நான் இல்லாமல் போகிறேன்
நீ ஊதும் அப்புல்லாங்குழலைப் போல நான் இல்லையே!
உன்னை நோக்கி நகரும் என் நாட்குறிப்பில் நான் இல்லாமல் போகிறேன். உந்தன் நினைவுகளை சுகித்து சுகித்து எந்தன் எடையை நான் இழக்கிறேன். காதல் கிணற்றில் காமத்தை ஊற்றி வற்றாமல் உயிர்ப்பூட்டுகிறேன்.
என் காலை விடிவதும் அதன் தொடக்கம் முடிவதும் இன்னும் தீர்ந்தபாடில்லை. இதோ வீசும் காற்றுக்கு மத்தியில் பேசாத பூக்களிடம் நான் பேசிக்கொண்டு இருக்கிறேன்.
உடலைக் கடந்த ஊடல் கொள்ள வேண்டும். தேகம் மறந்த தேடல் நீளவேண்டும். என்னில் நிறைந்த உன்னையும் உன்னில் இழந்த என்னையும் பிரபஞ்சம் காண வேண்டும்
இதோ ஓர் இரண்டாம் உலகம் உருவாகிறது
கருத்துகள் இல்லை:
கருத்துரையிடுக